Zênebê

Erê wey deber ew zulfet demirim ca leser kulmet bûne dam
Ewêsta her denalim bew tîrey dwênê lêt dam
Ca were bimdeye maçê dulberî şîrîn endam
Erê zênebê wey zênebê, zênebê dû didanî zêre
Ummetî mihemmedîm ca le dînim wermegêre

Erê deçme ser mixakoye derwanête ferengê
Cûtêk şemamey xet xet ca le binew dênê jengê
Leser balay berzî to ba lêmden be tifengê
Zênebê wey zênebê ca le zênebey zurarî
Derî babanit şêwê xem bûy le dilî min barî

Erê ewsal hewt salî sexte bo balat şêtû şeydam
Nexoşî balay tome kewtûme le naw cêgam
Ca were awrêkim lêde derdit lew malî dinyam
Erê zênebê wey zênebê ca le zênebey qelatan
Ey derî babanit şêwê nêwit kewte wilatan

Erê deçme ser sipî sengî derwanête nelênê
Ca leber ew çawey demirim ger be naz helîdênê
Tîrêkî le cergî dam xwênawêne dedelênê
Zênebê wey zênebê zêneb dû didanî zêre
Ummetî mihemmedîm ca le dînim wermegêre

Erê deçme ser seyd ehmedan kanî zerdim lê dyare
Destit de ’umrî girê şêxî mal le byare
Berde sipîlke çole cê rawgey xomû yare
Erê zênebê wey zênebê ca le zênebey qelatan
Ey derî babanit şêwê nêwit kewte wilatan

Erê deçme serî qendîlî derwanête lacanê
Deber perçemit demirim ca le henyet degirim sanê
Payîzê were sablax bo gerî de dîlanê
Erê zênebê wey zênebê, zênebê dû didanî zêre
Ummetî mihemmedîm ca le dînim wermegêre