Xoşim Ewê Wilatekem

Xoşim ewê, xoşim ewê
Em nîştimanem xoş ewê
Ta lêdanî dil esrewê
Hîç le ber çawim nakewê
Xoşim ewê wilatekem
Kangay hîwaw awatekem

A em hewaw awû gile
Bo jyanim xwênî dile
Dil ke bulbulî serçile
Şeydaye bo rwî ew gule
Xoşim ewê wilatekem
Kangay hîwaw awatekem

Xoşim ewê, xoşim ewê
Awate xwazim serkewê
Nawî le nawa derkewê
Geşew rûnakî berkewê
Xoşim ewê wilatekem
Kangay hîwaw awatekem

Dilim elê, wek zimanim
Xoşim ewê nîştîmanim
Xoşewîstî nîştîmanim
Bote serlewhey îmanim
Xoşim ewê wilatekem
Kangay hîwaw awatekem

Kurdistane xoşewîstim
Heta mawim eyperistim
Be cwanî dîmenî mestim
Hawar eka hoşû hestim
Xoşim ewê wilatekem
Kangay hîwaw awatekem