Ezîzim boçî torawî le xora?
Çi qewmawe, dilî to boçî gora?
Eto wa zû le bîrit kirdim emma
Feramoşt nekem şerte le gora
Le min ra xo xetayek rûy nedawe
Edî bê meylî boç rûyda le to ra
Esîrî kezyete kotrî dilî min
Debê halî çi bê kotir le tora?
Serû malû kemalû bîrû hoşim
Le nerdî ’îşqî toda pakî dora
Le çawim dê be xur firmêskî xwênîn
Keçî em gome xwêne helneçora
Minû laşey pepûle maynewew bes
Şewî dûrî, şemîş twawe le xora
Honrawe: #hêmin