Serbazî Win û Le Qendîlî Serberzewe

Ke wefdêk deçête şwênê
Bo ser gorî serbazî win
Tacegulîneyêk dênê
Eger sibey wefdê bête wilatî min lêm bipirsê:
“kwanê gorî serbazî win?”
Delêm: gewrem!
Le kenarî her cogeyê
Leser sekoy her mizgewtê
Leber dergay her malê
Her kilêseyê, her eşkewtê
Leser gaberdî her şaxê
Leser dirextî her baxê
Lem wilate
Leser her biste zemînê
Lejêr her geze asmanê
Metirse
Metirse kemêk ser daxew tacegulîneket danê

Le qendîlî serberzewe wilamit bo denêrmewe
Şehîdbûnim şanazîye hawrê renge netbînmewe
Hêzê pêşmerge nabezin hemû şorişgêrn ewro
Şehîdbûnman şanazîye daykan boman meken ro ro

Zor lemêje janî gelim desûtênê cergû dilim
Jan deçêjim deyparêzim awû xakû meterêzim
Be gyan be xwên deyparêzim awû xakû meterêzim
Hêzê pêşmerge nabezin hemû şorişgêrn ewro
Şehîdbûnman şanazîye daykan boman meken ro ro

Hawrê aram lebîr meken rêgay linîn qet win meken
Hawrê fwad lebîr meken rêgay linîn qet win meken
Hawrêyan rojî hîmmete sefî dujmin let lete
Rojî tolesendine beydaxî sûr helkirdine
Hêzê pêşmerge nabezin hemû şorişgêrn ewro
Şehîdbûnman şanazîye daykan boman meken ro ro