Min emewê be tenha legel dilî xom bidwêm
Ebme deryayê wişe û nim nim be serya erjêm
Lêy epirsim heta key xot ekeyte qurbanî
Em temene xewêke bo kes nîye amanî
Ey dil to be çawî soz em jyane ebînî
To mamostay dildarî û waney şî’rî ewînî
Emşew le hawarî to be aga hatûmewe
Şî’rê le henawtaye ebê min bînûsmewe
Ebê hal le xom bênim ta bibme zimanhalit
Her nageme ew astey derî bibirim xeyalit
Ey dil her xom ezanim ke naxt çende pake
Sayey gewreyî toye ger bilên kurî çake
Ewende sade û xakît xot lela miştê xake
Nezan xoy la gewreye zana kwa xoy pê çake!?
Kamey ke to eybînî xoy la giran û take
Rojê dê heracî ka em bazare bêbake