Fena Bûn

Lew dîw sinûrî terîqetewe
To deperistim şeydayî waye
Bêbakim lewey xwênim helal ken
Kwa aşiqî rast giwêy le dinyaye
Minîş mensûrim em rêye degrim
Rêgay berew to bo min birwaye
Carî fîdabûn emcar min eydem
Çunke mebûdim lenaw dilmaye
Bangî eşq edem ta dwa henasem
Çûn eşiq pake û pîrozîy tyaye
Fena bûm lenaw dinyay ewîna
Keçî pêm waye her seretaye
Min le perwane fêrî ewîn bûm
Hetakû sûtan rûm le çiraye
Çon sucde debem bo aşqêkîtir
Ke balay eşqî to le hewraye