Celal Melekşa
لەم جیهانە پەلەوەریش نیشتمانی بۆ خۆی هەیە دارستانێ، تاقە دارێ ئاوارەش بێ نێو ئەشکەوتێ، بن پاسارێ! چۆن شێت نەبم نەچم بە گژ ئەم کوێستانا و چوار ڕێیانی گەردوون نەگرم هێشتا مشتێ خاک شک نابەم تێیا بژیم تێیا بمرم چۆن شێت نەبم هەموو ڕێگام لێ بەسراوە بە هەر جادە و شەقامێکا ڕادەبوورم تەپۆڵکەیەک کڵاوێکی سەربازانەی لەسەر ناوە دڵ و گیرفان دەپشکنێ بەڵگەی خوایشم لەگەڵدا بێ ڕێگام دەگرێ نەکا نەخشەی وڵاتێکم لە گیرفان و ڕەمزی نهێنییی ناوێکم لە دڵدا بێ! تووڕەم، تووڕە وەک ئاگرم شمشێرێکی هەڵکێشراوم لە ناو بریسکەی خوێنی خۆما ئەزریکێنم هەتا کالان نەدۆزمەوە ئۆقرە ناگرم! خوا ئەزانێ من حەز ناکەم وەک ئەشقیا سەرگەردان بم لەم کوێستانە ڕێگام بدەن بێمە خوارێ هیچم ناوێ لەم جیهانە جگە نەختێک سەربەستی و بستێ خاک و ئاڵایێک و ڕەشماڵێکی قەرەجانە!
Lem cîhane pelewerîş Nîştimanî bo xoy heye Daristanê, taqe darê Awareş bê Nêw eşkewtê, bin pasarê! Çon şêt nebim Neçim be gij em kwêstana û çwar rêyanî gerdûn negirim Hêşta miştê xak şik nabem Têya bijîm Têya bimirim Çon şêt nebim Hemû rêgam lê besrawe Be her cade û şeqamêka radebûrim Tepolkeyek Kilawêkî serbazaney leser nawe Dil û gîrfan depşikinê Belgey xwayşim legelda bê rêgam degrê Neka nexşey wilatêkim le gîrfan û remzî nihênîyî nawêkim le dilda bê! Tûrem, tûre Wek agirim Şimşêrêkî helkêşrawim Le naw birîskey xwênî xoma ezrîkênim Heta kalan nedozmewe oqre nagirim! Xwa ezanê Min hez nakem wek eşqya sergerdan bim lem kwêstane Rêgam biden bême xwarê hîçim nawê lem cîhane Cige nextêk serbestî û Bistê xak û Alayêk û Reşmalêkî qerecane!