Umêd Xudacû
عەزیزان ئەی عەزیزانی وڵات و شاری سووتاو مەلانی زیز و تاراوی کەژ و گوڵزاری سووتاو بە تاوانی چی ئەمڕۆ دیلی دەستی خوێنمژانن بە تاوانی چی قوربانیی و قەڵاچۆی گەلکوژانن سەدەی مافی مرۆڤە و ئێوە هەر بێلانە ماون لە ترسی گیان لە ماڵ و لە ژیان بێگانە ماون گەلی خێڵاتی بێ ڕەشماڵ و بێ مزڵ و هەواران غەریب و بێپەنا مات و پەرۆشی مەرگی یاران ئەگەرچی ئێستە وەیلان و پەڕیوەی هەندەرانن شکاوی دەستی بێڕەحم و دڵی داگیرکەرانن دەگا ڕۆژێک کە دوژمن داچزێنێ ئاگری گەش بە تۆڵەی قەتڵ و قڕانی مناڵی پاک و بێبەش گڕی شۆڕش بڵێسەی دێ لە ناخی هەستی یاران دەسووتێنێ بناغەی تاج و تەختی نابەکاران وڵاتم ئەی وڵاتی چۆڵەواری بێ بەهارم وڵاتم ئەی وڵاتی بەڵابارانی دەستی ڕۆژگارم منی کۆچەر لە دووریی تۆ غەریب و لەش بەبارم وڵاتم ئەی بەهەشتی پڕ لە یاد و یادگارم
Ezîzan ey ezîzanî wilat û şarî sûtaw Melanî zîz û tarawî kej û gulzarî sûtaw Be tawanî çî emro dîlî destî xwênmijanin Be tawanî çî qurbanîy û qelaçoy gelkujanin Sedey mafî mirove û êwe her bêlane mawin Le tirsî gyan le mal û le jyan bêgane mawin Gelî xêlatî bê reşmal û bê mizil û hewaran Xerîb û bêpena mat û peroşî mergî yaran Egerçî êste weylan û perîwey henderanin Şikawî destî bêrehim û dilî dagîrkeranin Dega rojêk ke dujmin daçzênê agirî geş Be toley qetil û qiranî minalî pak û bêbeş Girî şorş bilêsey dê le naxî hestî yaran Desûtênê binaxey tac û textî nabekaran Wilatim ey wilatî çolewarî bê beharim Wilatim ey wilatî belabaranî destî rojgarim Minî koçer le dûrîy to xerîb û leş bebarim Wilatim ey beheştî pir le yad û yadgarim