Mistefa Mehmûdî
دیتم لەناو دار و دەوەن لەسەر چڵی سوورەگوڵێ هەڵکورمابوو دەیکرد شیوەن بەریبەیانی بولبولێ گوتم ئەی مەلی دڵسووتاو چییە بۆ دەناڵی بەتاو؟ ئەو ناڵینەت بۆ ئەوەیە گوڵت وا زوو هەڵوەریوە ئەو ناڵینە بێفایدەیە بۆچی نازانی نەتدیوە؟ گوڵ حەفتە ناباتە سرێ سیس دەبێت و هەڵدەوەرێ وەڵامی دامەوە بولبول بە شێنەیی بە کاوەخۆ گوتی ناناڵێنم بۆ گوڵ کە سیس بووە دەزانی بۆ؟ ئەو عومرێکی ڕابواردووە پشکوتووە جا سیس بووە ناڵینی بۆ خونچەیە بۆ خونچە پەشێوە حاڵم ئەو داخە لە دڵمدا هەیە بۆیە هەمیشە دەناڵم ئەو پێش پشکووتن سیس بووە بە جوانەمەرگی مردووە داستانی هیجری تۆ شەرحی بە نووسین ناکرێ پێت دەڵێم چۆنە ئەگەر چاوم بە چاوت کەوێ
Dîtim lenaw dar û dewen leser çilî sûregulê Helkurmabû deykird şîwen berîbeyanî bulbulê Gutim ey melî dilsûtaw çîye bo denalî betaw? Ew nalînet bo eweye gulit wa zû helwerîwe Ew nalîne bêfaydeye boçî nazanî netdîwe? Gul hefte nabate sirê sîs debêt û heldewerê Welamî damewe bulbul be şêneyî be kawexo Gutî nanalênim bo gul ke sîs buwe dezanî bo? Ew umrêkî rabwarduwe pişkutuwe ca sîs buwe Nalînî bo xunçeye bo xunçe peşêwe halim Ew daxe le dilimda heye boye hemîşe denalim Ew pêş pişkûtin sîs buwe Be cwanemergî mirduwe Dastanî hîcrî to şerhî be nûsîn nakirê Pêt delêm çone eger çawim be çawit kewê