Ezîz Şarox
ژیان و ئەرکی ناخۆشی پەپوولەی ئارەزووی کوشتم شەرابی جامی دڵداری، لە تافی لاوییا ڕشتم تەمی ڕۆژانی پڕمەینەت، وەها تاریک و چڵکن بوو نیگاری خۆشەویستی دڵ، پەری ئاسا، تیا ون بوو شەوی تەنیایی، ڕووناکیی چرای ئاواتی، خنکانم دەسی ناکامی، ئاوازی* دەروونی لەیلی* تاسانم ئەوا ئێستا لەگەڵ زامی دەروونی پڕ لە ناکامی ئەپێوم چۆڵی سەرسامی لە تەنیایی شەوی ژینا، ئەنێم هەنگاوی کوێرانە! نییە دەستێ دەرمبێنێ لەنێو ئەم گۆڕە وێرانە نییە جوانێ، سەری کاسم بنێتە سەر دڵی نەرمی کە هیلاکیی لەشم دەرکا خەوی سەر باوەشی گەرمی ئەگێڕم چاوی بێتینم بە تاریکیی شەوا، سەرسام نییە پرشنگی دوو چاوێ، کە ڕووناکی بکا، ڕێگام بە غەیەری باڵی خەمناکی شەوی پڕ ترس و سامناکی نییە یەک تۆزە ڕووناکی
Jyan û erkî naxoşî pepûley arezûy kuştim Şerabî camî dildarî, le tafî lawîya riştim Temî rojanî pirmeynet, weha tarîk û çilkin bû Nîgarî xoşewîstî dil, perî asa, tya win bû Şewî tenyayî, rûnakîy çiray awatî, xinkanim Desî nakamî, awazî* derûnî leylî* tasanim Ewa êsta legel zamî Derûnî pir le nakamî Epêwim çolî sersamî Le tenyayî şewî jîna, enêm hengawî kwêrane! Nîye destê derimbênê lenêw em gore wêrane Nîye cwanê, serî kasim binête ser dilî nermî Ke hîlakîy leşim derka xewî ser baweşî germî Egêrim çawî bêtînim be tarîkîy şewa, sersam Nîye pirşingî dû çawê, ke rûnakî bika, rêgam Be xeyerî balî xemnakî Şewî pir tirs û samnakî Nîye yek toze rûnakî