Bekir Legzî
دەنگ هەڵبڕە دەنگت بە سەرما نەلەرزێ گەلاوێژە چاوگەشەکەی ڕووتەڵەکە دەی بە سروودی کاک شوان دەنگ هەڵێنە با بەرخۆڵە ڕووتەڵەکانت نەلەرزن بە تەزووی بای ئەو سەرمایە بڵێ بڵێ لەم دونیایە هاوماڵە هەژارەکانی بابە و دایە هێندەیان جاکەتی پەشمی بە دەست و پەنجەی ماندوویان بۆ چنیوی کە نەک هەر من، هیچ مناڵێ سەرمای نابێ بڵێ بڵێ ئەم دونیایە هێندەی پەشم و خوریی تیایە کە نەک هەر بەرخۆڵەکانم هیچ بەرخێک نابڕیتەوە سەرمای نابێ بەڵێ سروودم ئەخوێنم دەنگی زوڵاڵم هەڵدێنم کاکە شوانەکەم ئەدوێنم تا زگزلە چاوچنۆکەکان کە جاکەتە پەشمینەکانیان ڕفاندم کە بەرخۆڵە نەشمیلەکانیان ڕووتاندم پەت دەکەم ئەیانفەوتێنم
Deng helbire dengit be serma nelerzê Gelawêje çawgeşekey rûteleke Dey be sirûdî kak şwan deng helêne Ba berxole rûtelekanit nelerzin be tezûy bay ew sermaye Bilê bilê lem dunyaye hawmale hejarekanî babe û daye Hêndeyan caketî peşmî be dest û pencey mandûyan bo çinîwî Ke nek her min, hîç minalê sermay nabê Bilê bilê em dunyaye hêndey peşim û xurîy tyaye Ke nek her berxolekanim hîç berxêk nabrîtewe sermay nabê Belê sirûdim exwênim dengî zulalim heldênim Kake şwanekem edwênim ta zigzile çawçinokekan Ke cakete peşmînekanyan rifandim Ke berxole neşmîlekanyan rûtandim pet dekem eyanfewtênim