ئەگەرچی شەو درەنگە ساقی بۆم تێکە کەمێکی تر کە وا ئەمشەو سەری هەڵدا لە ناخمدا خەمێکی تر نەما 'خانی' هەتا چیڕۆکی عیشقی ئێمە داڕێژێ دەنا هێشتا لە کوردستان دەژین 'زین و مەم'ێکی تر پەپوولەی خۆشەویستیی من لە شوێنێ ناگرێ ئارام ئەنیشێ باڵ ئەبزێوێنێ* لەسەر سینە و مەمێکی تر هەزار هێندە پەرێشان و سیاچارە بژیم هێشتا لەنێو دڵدا هەمە ئاواتی خاڵ و پەرچەمێکی تر هەتاکوو دواپشوو ڕێبواری ڕێگای عیشق و ئازادیم ئەگەر بێجگە لە ناکامیش نەبینم بەرهەمێکی تر خدر نیم بۆ تەمەن شێت بم بە کانیی ژینێدا نووسێم ئەوەندەم ژین دەوێ تا دەمم دەنێمە نێو دەمێکی تر پەپوولەی خۆشەویستیی من لە شوێنێ ناگرێ ئارام ئەنیشێ باڵ ئەبزێوێنێ* لەسەر سینە و مەمێکی تر هەزار هێندە پەرێشان و سیاچارە بژیم هێشتا لەنێو دڵدا هەمە ئاواتی خاڵ و پەرچەمێکی تر
Egerçî şew direnge saqî bom têke kemêkî tir Ke wa emşew serî helda le naxmida xemêkî tir Nema 'xanî' heta çîrokî îşqî ême darêjê Dena hêşta le kurdistan dejîn 'zîn û mem'êkî tir Pepûley xoşewîstîy min le şwênê nagrê aram Enîşê bal ebzêwênê* leser sîne û memêkî tir Hezar hênde perêşan û syaçare bijîm hêşta Lenêw dilda heme awatî xal û perçemêkî tir Hetakû dwapşû rêbwarî rêgay îşq û azadîm Eger bêcge le nakamîş nebînim berhemêkî tir Xidir nîm bo temen şêt bim be kanîy jînêda nûsêm Ewendem jîn dewê ta demim denême nêw demêkî tir Pepûley xoşewîstîy min le şwênê nagrê aram Enîşê bal ebzêwênê* leser sîne û memêkî tir Hezar hênde perêşan û syaçare bijîm hêşta Lenêw dilda heme awatî xal û perçemêkî tir
Kemal Mihemed