Çîroka strana Ax Fadikê

KURMANCÎ:

Fadîme bûye bûk lê hîna zarok e û diçe li kuçeyan bi zarokan re lîstikan dilîze. Haya wê ji zewac û evînê nîn e. Her tim direve mala bavê xwe, hevjînê wê Ehmed her çend diçe û wê digire û tîne jî, Fadîme her ku derfetê peyda dike, direve mala bavê xwe. Tekane çare ji bo hozan Ehmed ew e ku mala xwe bar bikin bo Stenbolê.

Di sala 1986an de dîsan di heman gundî de keçeke din a bi navê Fadîme bi zarokî dikine bûk. Hozan Ehmed pir diqehire ji wê zarokê re, xeman dixwe. Tê bîra wî ku hevjîna wî jî bi zarokî kiribûn bûk. Dibêje “Ax Fadîkê” û dest bi lêdana tembûra xwe dike. Hozan Ehmed dibêje ku min ev stran straye da ku keçik bi zarokî neyêne zewicandin.

Gelek hozan û stranbêjan ev stran straye. Bo nimûne: Kardeş Turkuler, Mesûdê Dêrsimî, Elî Baran, Sasa Serap, Selda Bagcan, Hozan Serdar, Hasret Gultekin, Yilmazz Çelik, Elî Heyder Guçlu, Beşîr Kaya, Dijwar, Nilufer Akbal, Xelîl Gumuş, Riza Akkoç, Gulistan Perwer.

Izzet Altinmeşe jî ev stran wergerandîye tirkî û ji stranê re gotîye straneke gelêrî ye.

spas ji bo mamoste Eyyûb Subaşî

KURMANCKÎ:

Na kilame kilamêka mintiqaya Dêrsimî ya ke vakurê Kurdistanî de yena vatene. Kilame qala keynekêka nameyê xo Fadikê yo qala aye kena. Fadikê hîna doman a. Keyeyê aye wazeno aye bizewicno. Şaîr na şîîre de qala domanbîyayîşê na keyneke û seba zewacî musaîd nêbîyayîşê aye keno. Û cayêk de vano no karêko xirab o û seba nê karê xirabî do rojêk înan ra hesab bêro waştene.

spas ji bo mamoste Hecî