کرماشانەگەم هەسارەی شەوم

کرماشانەگەم هەسارەی شەوم
دامانەگەی تۆ گاپارەی خەوم
نیشتمانەگەی سیروان و ئەڵوەن
سەنگینی شاڵد ڕەنگینی سەروەن

هەم کزەی مووری هەم شوورێ هوو هوو
هاوزوانەگەی مانشت و شاهوو
کرماشانەگەم تۆ کوردەواری
تەنیا وە ڕەخشێ خوەمان سواری

وە هەر میلکان و هەر هووز و تیرەی
هەر یەی مەقام و وە یەی تەمۊرەی

کرماشان زادەی تاریخێ دۊری
کۊنە شەراوێ باخێ ئەنۊری
ئەگەر زامێ بوو ت کاریتری
وە هەر چوارپارچە دیاریتری

تا ڕوژێ پشتد وە بیستۊن بوو
دار و دەوارد کەی تەفرتۊن بوو
کرماشانەگەم هەسارەی شەوم
دامانەگەی تۆ گاپارەی خەوم
نیشتمانەگەی سیروان و ئەڵوەن
سەنگینی شاڵد ڕەنگینی سەروەن