پاییزە لە من درەنگە لە تۆ ٢

پاییز داهات لێم درەنگە
یارم ڕۆیی شۆخ و شەنگە
لە دووری وی دڵم تەنگە
پاییزە لە من درەنگە لە تۆ
سوور دەبوون خەزان
زەرد دەبوون لیمۆ

پاییز داهات خەزان وەرە
شەماڵ وەرە خەبەر بەرە
دەردی دڵەکەم بۆ یار بەرە
پاییزە لە من درەنگە لە تۆ
سوور دەبوون خەزان
زەرد دەبوون لیمۆ

پێی بڵێن بە یار با بێتەوە
لە وی ڕۆژ و لە من شەوە
خۆشیم ناخۆشی بردەوە
ئەتۆ فەرمووت وەفادارم
لەسەر قەولەکەم پێرارم
بە دیتنت هیوادارم
پاییزە لە من درەنگە لە تۆ
سوور دەبوون خەزان
زەرد دەبوون لیمۆ