هەر کەسێ بیکا هەوریلار بەینی من و تۆ
هاوار وەی بەینی من و تۆ
هەی لە ماڵی بمرێت هەوریلار بە هەشت و بە نۆ
ئامان وەی بە هەشت و بە نۆ
ئای کوڵەنجە ڕێ ڕێ ئامان دەسماڵ کرێشە
کاری ئەمن و تۆ ئەی هاوار کەوتۆتە کێشە
ئامان کەوتۆتە کێشە
هەر کەسێک بیکات هەوریلار ئای مەنعی دڵداری
بمرم مەنعی دڵداری
پەڕ و پۆ دەرکا یاڕەبی وێنەی پاساری
ئەرێ ئای کوڵەنجە ڕێ ڕێ ئەرێ دەسماڵ قاقانی
کاری ئەمن و تۆ هەوریلار دونیا پێی زانی
ئامان وەی دونیا پێی زانی
جێم نییە تیا بسرەوم خاکم وەسەر بێ لانە خۆم
بێکەس و بێ دەر بێ یار و هاودەم بێ مەی و مەیخانە خۆم
ئیرسی مەجنوونە خەڵاتم ئاوارەی ئەو کێوانە خۆم
موستەحەقی تیر و تانەی ئاشنا و بێگانە خۆم
بمکە بە خاتر هەوریلار زەردەی خۆراوا
ئامان زەردەی خۆراوا
کچێ سەرێ بێنە دەر هەوریلار لە توێی کەژاوە
ئەی وەی هەی لە نێو کەژاوە
ئای کوڵەنجە ڕێ ڕێ مەڕۆ دەسماڵ قاقانی
کاری ئەمن و تۆ خوێنشیرین پاک دونیا زانی
وەڵا پاک دونیا زانی