کام ئەستێرەی گەش کام گوڵی کێوی
سوورە وەک کوڵمی و ئاڵە وەک لێوی
کام ڕەشی ئەگات بە ڕەشی چاوی
برژانگ و برۆ و ئەگریجەی خاوی
ئەگەر دەمزانی بە زمانی بوڵبوڵ
هەرگیز نەمدەکرد (وەڵڵاهی) کاری نابەدڵ
هەرگیز نەمدەکرد (ئەی هاوار) کاری نابەدڵ
کراس ڕەشێ سەوداخۆشێ ڕوو دەپۆشێ خۆت مەشارەوە
خۆت مەکە بە ژێر کوڕێ دارەوە
عاشقی باڵات بووم لەپێرارەوە
ئەگەر دەمزانی ئەوەڵ وا دەبووی
نوشتەم نەدەکرد (ئەی هاوار) بۆ خۆت چا دەبووی
نەدەڵامەوە (بۆت مردووم) بۆ خۆت چا دەبووی
کراس ڕەشی سەوداخۆشی ڕوو دەپۆشی خۆت مەشارەوە
خۆت مەکە بە ژێر ئەی هاوار چرپی دارەوە
عاشقی باڵات بووم لەپێرارەوە
هەر کەسێ بیکا مەنعی دڵداری
هەر کەسێ دەیکا مەنعی دڵداری
پەڕ و پۆ دەرکا وێنەی پاساری
پەڕ و پۆ دەرکا هەر وەک پاساری
کراس ڕەشی سەوداخۆشی ڕوو دەپۆشی خۆت مەشارەوە
خۆت مەکە بە ژێر کوڕێ دارەوە
عاشقی باڵات بووم لەپێرارەوە
هەر کەسێ دەیکا مەنعی ئەمن و تۆ
لە ماڵی بمرێ بە هەشت و بە نۆ
کراس جوانی میهرەبانی لێم نەببانی خۆت مەشارەوە
خۆت مەکە بە ژێر کوڕێ دارەوە
عاشقی باڵات بووم لەپێرارەوە