ئەم ئێوارەیە

ئەم ئێوارەیە پاییزە خێڵ بەرەو گەرمیان ئازیزە
یارەکەم لەو خێڵە دایە ئاگاداری بێ ئەو خوایە
ماڵیان لە سیلەی قەڵاتێ ئەو چڵە تازە دەگاتێ
ماڵیان لە سیلەی قەڵاتێ یار بیچکۆل تازە دەگاتێ
گەورە بێ ماچمان دەداتێ شێتی کردووم دەم نایگاتێ

ئەم ئێوارەیە هاوینە یارەکەم دوو چاوی شینە
ئاگاداری باڵاکەی بێ ئەو شێخەی ماڵ لە مەدینە
خەڵکینە جەرگم کون کونە خەڵکی بۆکان لێم دوژمنە
چوونکە ئەو گوڵە یاری منە شێتی کردووم نازی شنە

ئەم ئێوارەیە بەهارە شاد بۆنی گوڵ و گوڵزارە
ئاگاداری باڵاکەی بێ شێخەکەی ماڵ لە بیارە
ڕۆژێکی دەمەوبەیانی هات بۆ لام بە لەنجەی جوانی
ئەمنیش بەڵێنیم پێ داوە ئەمساڵ دەیکەم بە بۆکانی