وەعدەی نەوبەهاران

شیرین یە وەعدەی نەوبەهارانەن
سەرەتای تەڵمیت خاتردارانەن

ئای دیەم، فەسڵ وەسڵ دۆست سەیر هەردانەن
لەرەی لەرزانەی سۆسن خاڵانەن

ئەرێ دیەم، زەمزەمەی بوڵبوڵ دەبدەبەی گوڵەن
نە زاری هوزار دەروون پڕ چڵەن

نەقارەی منقار تەیرانی سۆبخێز
بیزەنان نەغمەی نەکیسای پەروێز

چریکەی چەکاوس چون حەنجەرەی عود
مەر دەنگی چل چەنگ پەنجەی بارەبود

هۆی هۆی بایەقوش شەو بە هەردەوە
زامی دەروونان تازە کەردەوە