خانمۆڵێ ٢

کراسی زەردی دەبەردایە
جیرانی میرزا بابایە
لێمان ناکا مەرحەبایە
ئەی خانم خانم خانمۆڵێ
لە خڕێت ماچ کەم یان لە دۆڵێ

خەجاڵەت بی دەگەڵ وەفات
چەندم کێشا جەور و جەفات
تێرم نەکرد سەیر و سەفات
ئەی خانم خانم خانمۆڵێ
لە خڕێت ماچ کەم یان لە دۆڵێ

لە مزگەوتێ نوێژم دەکرد
یەکێک لە ناکاو بانگی کرد
خانەخەراپ لەیلاتیان برد
ئەی خانم خانم خانمۆڵێ
لە خڕێت ماچ کەم یان لە دۆڵێ

چاوت ئەستێرەی سوبحیدەم
مەشهوورە لە کورد و عەجەم
تۆ خاتووزین و من کاکەمەم
ئەی خانم خانم خانمۆڵێ
لە خڕێت ماچ کەم یان لە دۆڵێ