شەکرە بەفرە

شەکرە بەفرە بەسەر سەرما ئارام ئارام دێتە خوارێ
گەرچی گیانی داپۆشیوم وەکوو داری بن بنارێ
ئەڵوەدام تاکوو بەیانی چاو لێک نەنێم
هەر ببارێ هەر ببارێ هەر ببارێ

لە ژێر باڵی ئەو بەفرەدا بێ پەروا هەر دێم و ئەڕۆم
فریشتەیەک دەستم ئەگرێ بمباتەوە لانەکەی خۆم
ئەو نازانێ چەن حەز ئەکەم ئاهی دڵ بەو بەفرە بشۆم
هەر ببارێ هەر ببارێ

ئەمشەو لە سای کزەبادا با هەر سەرما بمتەزێنێ
با ئەو بەفرە وەک شۆڕەبی هەموو گیانم بلەرزێنێ
سبەی بێتە ئاو و دیسان لێوی کانی ببزوێنێ
هەر ببارێ هەر ببارێ