بەناز پەروەردە

نە سەبرم چەنی گیانە دووریت مەسازۆ
نە وەسڵت وە مەیل گیانە دڵم نەوازۆ
ئای بەناز بەناز گیانە بەناز پەروەردە
با بارۆ شەماڵ گیانە بۆی تۆ لەو هەردە

پەژارەت شادیم گیانە جە بێخ ئاوەردەن
دووریت ڕیشەی دڵ گیانە خەیمەکەن کەردەن
ئای بەناز بەناز گیانە بەناز پەروەردە
با بارۆ شەماڵ گیانە بۆی تۆ لەو هەردە

فیراقت فەرقم گیانە وە تووتیا کەرد
جیاییت ئازام گیانە جە هەم جیا کەرد
ئای بەناز بەناز گیانە بەناز پەروەردە
با بارۆ شەماڵ گیانە بۆی تۆ لەو هەردە