بۆ دوا جارە بەجێت دێڵم سا ماڵاوا ئازیزەکەم
شاخ و گرد و هەرد دەکێڵم سا ماڵاوا ئازیزەکەم
ئاخ بۆ ئامانجی ڕۆژی ڕووناک ڕێگای تاریکی دەکێڵم
بەجێت دێڵم
بەجێت دێڵم
دەبا بمرم لە تۆفانی دەردی دووری تا فرسەتە
دەبا بمرم لە ڕۆژێکا کە سەرم لەسەر سینەتە
بەجێت دێڵم
بەجێت دێڵم
دەبا بمرم لە ڕێگای عەشق و ئازادی دڵ پڕ خوێنە
وەک* شەرابی جامی بەد مەست بە دەستی خۆت بمڕژێنە
بەجێت دێڵم
بەجێت دێڵم
گەر بە جل و بەرگی سپی بە بێ ڕۆح هاتە بەر چاوم
بەڵکوو بێنە شینم یاران بێتە گفتوگۆ کوژراوم
بەجێت دێڵم
بەجێت دێڵم
بۆ دوا جارە بەجێت دێڵم سا ماڵاوا ئازیزەکەم
شاخ و گرد و هەرد دەکێڵم سا ماڵاوا ئازیزەکەم
*= لەم بەشەدا گۆرانیبێژ بە هەڵە دەڵێ «بە».