بەهارە بولبول

بەهارە بولبول، بولبول بەهارە
سەرەتای ناڵەی ئەزیزەکەم سەودایی زارە
وەرە بناڵین بە جووت لە شەودا
ئێمە شەوبێدار ئەزیزەکەم، بێ خەم لە خەودا
وا بەری بەیان سپێدەی نواند
تەم و تاریکیی ئەزیزەکەم لە گوڵشەن ڕەواند
دەشت و کێو هەمووی بە گوڵ خەمڵیوە
بەرگی بووکێنی ئەزیزەکەم تازەی پۆشیوە
بەڕەزا پرچی پەخشان کردووە
شنەی بای شەماڵ ئەزیزەکەم شانەی کردووە
نێرگز بە پەنجەی یادی لێلاخان
ڕووپۆشی لادا ئەزیزەکەم، سەرمەست و خەندان