لەبەر نازی چاوبازان

لەبەر نازی چاوبازان خورد و خەوم خوێناوە
بە تیری تیرەندازان قوربان چی بکەم جەرگم بڕاوە

یاردم دەرکەوت لە ماڵێ خواوەند هەڵکەی شەماڵێ
وا یارم هات لە ماڵێ خواوەند هەڵکەی شەماڵێ
پەرچەمەکەی ڕاماڵێ قوربان بیبینم وردەخاڵێ
پەرچەمەکەی ڕاماڵێ هاوار دەرکەوێ وردەخاڵێ

دەرکەوە با بتبینم یاری ڕەزا شیرینم
یاخوا لە پێش تۆ بمرم چاوشین ئامان مەرگت نەبینم
یاڕەبی لە پێش تۆ بمرم ئازیز یاخوا مەرگت نەبینم