ئەی بەژن ڕێک

هەی بەژن ڕێک لەنجە جوان خاوەن سەرنج شێوەت پەری
بۆ نیگایێک بێ تۆ شەیدام باڵی شیعرم هەڵوەری
هەر ئەوەندەم دیوە چاوت چووە لە ژێر برژانگی ڕەش
وەک گەلاوێژ شوێن مەبەستت بۆ سەرنجێک ئاڵ و گەش
هەی بەژن ڕێک لەنجە جوان خاوەن سەرنج شێوەت پەری
بۆ نیگایێک بێ تۆ شەیدام باڵی شیعرم هەڵوەری

دێم لە چاوی عەشقی تۆوە بۆ ژیان هەنگاو ئەنێم
مەست ئەبم بەو بۆنە خۆشە و بەستە بۆ چاوت ئەڵێم
هەی بەژن ڕێک لەنجە جوان خاوەن سەرنج شێوەت پەری
بۆ نیگایێک بێ تۆ شەیدام باڵی شیعرم هەڵوەری

وەک پەپوولە گیانی تینووم بۆ قومێ عەتری نیگات
دێت و دەڕوا هەر شنەی دێ تا بە برژانگت بگات
هەی بەژن ڕێک لەنجە جوان خاوەن سەرنج شێوەت پەری
بۆ نیگایێک بێ تۆ شەیدام باڵی شیعرم هەڵوەری