چۆن نەناڵێ ئەو دڵەی پڕ هەستی من!؟
چۆن لە ئەژنۆ ببنەوە دوو دەستی من!؟
چۆن نەناڵێ ئەو دڵە ئەنگاوتەیە!؟
بەرد لە بەردی بێتەوە دەنگی هەیە
ئەی ڕەفیقانی تەریقەت دەردی عیشقم چارە کەن
یان بە جارێ بمکوژن جەرگم بە خەنجەر پارە کەن
بۆچ ئەمن سووچم چییە ئەی سەروی بوستانی ئیرەم
بێ قەباحەت لێم زویریت چاکە ئینسافت هەبێ
سەد حەکیم هات و عەلاجی ئەم برینەی قەت نەکرد
تۆ عەلاجی دەردەکەم کە زووبە لوقمانم وەرە