تەیرۆکێ

Hatewe hatewe teyrekey germênê dey dey Bew teyrem ax elên heloye Min serim be fîday ew teyre bê gulim ke mijdey azadî pêye Min serim be fîday ew teyre bê heyat ke mijdey azadî pêye Hatewe hatewe teyrekey germênê dey dey Tuxwa le dûr dê şeqey balî Tuxwa kurgel têkrawe xir bin heyat ey deba tuxwa bipirsîn halî Tuxwa kurgel hestin wa xir bin heyat ey deba tuxwa bipirsîn halî Hatewe hatewe teyrekey germênê dey dey Ey le dûr dyare dexwênê Min serim be fîday ew teyre bê gulim ke mijdey azadî dênê Min serim be fîday ew teyre bê heyat ke mijdey azadî dênê Le paş mergim çi faydeye bêye ser gorim lebo şîwen Heta mawe nefes biferma çon ebê halim sed car binalim Were goşe goş serim bibre leser em rêgaye bimnêje Be xwaw be pêxember heqit be deste Xwem xulamim to gewrey Xwem xulamî baxanim Hatewe hatewe teyrekey germênê dey dey Tuxwa gerayewe bo kurdistan Hey le hîç şwênêk lanada gulim Ey deçête berzî kwêstan Tuxwa le hîç şwênêk lanada heyat Ey deçête berzî kwêstan

Çîrokî goranîy teyrokê
Be gutey 'xidir hesen'y 100 saley xelkî darelek, xirnal xelkî gundî 'gapîs'y nawçey şarwêranî mehabad buwe. le wituwêjêkda ke 16y 10y 1365y hetawî legelim kirduwe, ew dastaney gêrawe: "xirnal û helketî [dû beytibêjî nawçey mukiryan] carêkî deçne awayî 'girdik sipîyan' bo dawetê. lewê helketî aşqî bêwejnêkî debê, sê biray debin; naydenê. lewêwe deçne xizmet mîrî rewandizê. mîr xoşxiwanêkî debê. lêyan depirsê çi karen û le kwê ra hatûn? delên le kwêstanê ra hatûyn û kutnê delêyn. mîr delê eweş xoşxiwanî mine. eger çaktirtan zanî ewe ratan degirim. dewdemîda desteyek teyr le germênê ra berew kwêstan degerênewe. helketî be xirnal delê emin le germênêra be pêhelkutin deyhênme êre û etoş lêrera bîbe behrê [golî wirmê]. 'teyrokê' ewdemî ewan dayannawe. mîr xoşxiwanî xoy bo ewan rût dekatewe. nameyekîş denûsî ew jiney bidenê. heta dênewe jine mêrd be yekî dîke deka.
Serçawe: gencî ser be mor - ehmedî behrî