ئەی موتریبی حەریفان

دڵە بە هیوای گەردن پڕ خاڵان
خۆت ئەخاتە نێو باخچەی چاو کاڵان
لە باغان ئاهـ و ناڵین دێ دەڵین شاهی نێو گوڵان ڕۆیی
لە مەیخانە سەدای شین دێ دەڵێن پیری موغان ڕۆیی

ئەی موتریبی حەریفان دەست کە بە نەغمەخوانی
ئاوازی تۆیە بۆ دڵ وا دەفع ئەکا خەمانی

ئەوە کردەکەی یارە چەن شیرین چەن نازدارە
ئەو کارێزەی لەبەر دێ ئاوی شیرینی شارە
ئەی موتریبی حەریفان دەست کە بە نەغمەخوانی
ئاوازی تۆیە بۆ دڵ وا دەفع ئەکا خەمانی

موتریب بە ساز و نەی بێ ساقی بە جامێ مەی بێ
ئەو ئازیزە بزەی بێ ڕوو بکەینە شادمانی
ئەی موتریبی حەریفان دەست کە بە نەغمەخوانی
ئاوازی تۆیە بۆ دڵ وا دەفع ئەکا خەمانی