ئەی موتریبی حەریفان

ئەی موتریبی حەریفان دەست کەن بە نەغمەخانی
ئاوازی تۆیە بۆ دڵ وا دەفع ئەکا غەمانی

موتریب بە ساز و نەی بێ ساقی بە جامی مەی بێ
تا عاجزی مە تەی بێ ڕوو کەینە شادمانی
ئەی موتریبی حەریفان دەست کەن بە نەغمەخانی
ئاوازی تۆیە بۆ دڵ وا دەفع ئەکا غەمانی

بەزمەت شیفایە سا دەی بۆم لێدە بەربەت و نەی
ئەو دەردی دڵ هەتا کەی چی ماوە عومری فانی
ئەی موتریبی حەریفان دەست کەن بە نەغمەخانی
ئاوازی تۆیە بۆ دڵ وا دەفع ئەکا غەمانی