ئەرێ یا سوڵتان هاوار ئەی وەی ماڵ بە بەرزەوە
ئەرێ یا سوڵتان هاوار قوربان ماڵ بە بەرزەوە
مەڕۆ بەدکارمان بمرن جوانێ گیان بە دەم لەرزەوە
ئەرێ بەدکارمان بمرن جوانێ بە دەم لەرزەوە
هەر وایە هەر وایە ڕووی پەنجەرەی لە بایە
هەر وایە هەر وایە پەنجەرەی بەرەو بایە
یارم چووەتە سەرفەرێ و بیپارێزی خودایە
یارم چووەتە بۆ سەیران ئاگات لێی بێ خودایە
ئەرێ ئەو ماڵەی هەمە جوانێ نەزری ئەڵڵا بێ
ئەرێ ئەو ماڵەی هەمە ئەی وەی نەزری ئەڵڵا بێ
وەرە بە شەرت کۆچەکەت هاوار بەرەو دوا بێ
ئەرێ بە شەرت کۆچەکەت خانم گیان بەرەو دوا بێ
هەر وایە هەر وایە ڕووی پەنجەرەی لە بایە
یارم دەچێتە سەیران ئاگات لێی بێ خودایە
یارم دەچێ بۆ سەفەر بیپاڕێزە خودایە
ئەرێ دەمەکەت هەنگوێن ئەی وەی لە کووزووی شیندا
ئەرێ دەمەکەت هەنگوێن خانم گیان لە کووزووی شیندا
ئەرێ ناردمە خوازبێنی بمرم لێم چوون بە قیندا
ئەرێ ناردمە خوازبێنی باوان لێم چوون بە قیندا
هەر وایە هەر وایە خاڵێک لەسەر گۆنایە
هەر وایە هەر وایە پەنجەرەی ڕووی لە بایە
یارم دەچێتە سەفەر بیپارێزە خودایە
یارم دەچێتە سەیران ئاگات لێی بێ خودایە
ئەرێ هەرکەسێ نەیبێ ئەی وەی دوو دۆست و یارێ
ئەرێ هەرکەسێ نەیبێ کاڵێ گیان دوو دۆست و یارێ
ئەرێ سەر بگرێتە قوڕ دە وەرە سوبح و ئێوارێ
ئەرێ سەر بگرێ لە قوڕ جوانێ گیان سوبح و ئێوارێ
هەر وایە هەر وایە خاڵێک لەسەر گۆنایە
هەر وایە وەی هەر وایە خاڵێ لەسەر گۆنایە
یارم دەچێتە سەیران بیپارێزە خودایە
یارم دەچێتە غەریبی ئاگات لێی بێ خودایە
مانگی یەک شەو بۆیە دایم زیاد دەکا و ئەشنێتەوە
تا جوان خۆی وەکوو ڕووی تۆ بڕازێنێتەوە
تا دەگاتە چاردەهۆم شەو تێدەگات ناگا بە تۆ
جا لە داخا وردەوردە کەم ئەکا و ئەتوێتەوە