کەتان کەتانە

پەنای هیوا و خەوبینینم
ئاواتی گیانی شیرینم
ئەوسا کە تۆم نەدیبوو
ژینم تاڵی و ترشی بوو
بێ شادی و ئارام
بێ هیوا و ناکام
ئەژیام: ژینی سەرسەری
نەمبوو کەس
بۆ ڕابەری
تۆیت و بەس

کەتان کەتانە و باوانم عەمرم کەتانە
دەمکوڵ دەم بێنە و باوانم دەم بچکۆلانە
کەتانە خاڵ دانەدانە
بە برژانگی چاو بۆیە خۆشحاڵم
خاکی بەر دەرگای تۆی پێ ئەماڵم
کەتانە خاڵ دانەدانە
کام ڕەشی ئەگا بە ڕەشیی چاوی
برژانگی، برۆی، ئەگریجەی خاوی
کەتانە خاڵ دانەدانە
کەتان کەتانە و باوانم عەمرم کەتانە
دەمکوڵ دەم بێنە و باوانم دەم بچکۆلانە
کەتانە خاڵ دانەدانە