ڕۆژگاری بەختم تا کەی هەر وایە
من و دڵداری لە یەک جودایە
خودایە تا کەی حاڵی من وا بێ
هەموو ژیانم هەر بە تەنها بێ
سەرانسەر دونیا حاڵم دەزانێ
کەس چارەی دەردی دڵم نازانێ
تەمەن سەرتاپای گەڵاوەرین بوو
هەر زامی سەخت و هەر دڵ برین بوو
خۆ تۆ ئەزانی چەند دڵشکاوم
بە دوای ئیشقی تۆ بێهیوا ماوم
تەمەن سەرتاپای گەڵاوەرین بوو
هەر زامی سەخت و هەر دڵ برین بوو
ئیتر بۆچی تۆش وازم لێ دێنی
وەک گوڵی بەهار ئیشقم دەمرێنی
سەرانسەر دونیا حاڵم دەزانێ
کەس چارەی دەردی دڵم نازانێ
ئەلبومی ڕۆژگار ساڵی ٢٠٠٢
ئاواز و دابەشکردن: زەکەریا
هۆنراوە: شاڵاو
ئامادەکردن: شاپۆور