ماڵمان ئەمبەر ئەوبەرە

چی بکەم جەرگم سووتاوە قوربان
چونکە یار لێم تۆراوە
عەقڵ و هۆشم نەماوە گیانا
خواردن و خەوم خوێناوە
عەقڵ و هۆشم نەماوە وەی وەی
خواردن و خەوم خوێناوە

ماڵمان ئەمبەر ئەوبەرە قوربان
کێ منی کوشت ئەو دولبەرە
بە دەم جوێنم پێ ئەدا شۆڕێ
بە چاو پێم ئەڵێ وەرە
بە دەم جوێنم پێ ئەدا وەی وەی
بە چاو پێم ئەڵێ وەرە

سێو پێ گەیشت نەهاتی قوربان
کە لیمۆ زەرد بوو وەرە
نەخۆش کەوتم نەهاتی گیانا
وادەی ڕۆحکێشان وەرە