دڵی شەیدا لە خۆی بێزارە بۆ تۆ
لەگەڵ خۆی غەیرە تاکوو یارە بۆ تۆ
بە گوڵزارێ گوڵێک سەودا دەکەم من
ئەتۆ بۆ من دی چی گوڵزارە بۆ تۆ
من و دەرد و دڵێکی پارە پارە
کتێبی عیشقە ئەم سیپارە بۆ تۆ
لە دەورت عاشقانی تۆوە پڕ بوون
بە تەنیا هەر منم ئاوارە بۆ تۆ
دڵم نازی خەمی تۆی زۆر لە لایە
کە خۆی بێ نازە یا نازدارە بۆ تۆ
ئەمەش بۆ من خەمێکی تازە دێنێ
کە بۆ تەنیا دڵم خەمبارە بۆ تۆ
دڵی شەیدا لە خۆی بێزارە بۆ تۆ
لەگەڵ خۆی غەیرە تاکوو یارە بۆ تۆ
بە گوڵزارێ گوڵێک سەودا دەکەم من
ئەتۆ بۆ من دی چی گوڵزارە بۆ تۆ