غونچەی دەمت بکەرەوە بولبولی زارم من
لە دەوری شەمی باڵاکەت پەروانەی خارم من
تۆ گوڵی باغی عشقی عاشقانی
تۆ شەوقی زندگانی لە دڵانی
نازدار و نازدار یاری وەفادار
دڵداری منی تۆ نازداری منی تۆ
مەلی هانام فڕیوە بۆ چاوەکانی تۆ
نەیزانی جووتێ قەفەسن لە سایەی برۆ
تۆ دڵی پڕ لە زامی دڵدارانی
تۆ خەڵاتی ڕۆژانی جێژوانی
نازدار و نازدار یاری وەفادار
دڵداری منی تۆ نازداری منی تۆ
لەو کاتەوە گیرۆدە بووم کەوتمە داوی تۆ
دڵم دیلی خەیاڵتە نەیکەی ڕەنجەڕۆ
تۆ هەسارەی گەلاوێژی بەیانی
تۆ چرای کۆڕی شەوی عاشقانی
نازدار و نازدار یاری وەفادار
دڵداری منی تۆ نازداری منی تۆ
پەیمان وابوو تۆ بیتە لام بیتە میوانم
بیتە هەوێنی هەست و سۆزی گۆرانییەکانم
تۆ خورپەی لێدانی دڵی زارمی
تۆ شکۆفەی نەوگوڵی بەهارمی
نازدار و نازدار یاری وەفادار
دڵداری منی تۆ نازداری منی تۆ