چوومە باغی نازەنینێ
من بە قاقا و پێکەنینێ
دەستم کرد بە گوڵچنینێ
ئەوە من دیم کەس نەیبینێ
ئەی وەی لە گوڵ غونچەی سەرچڵ
دەپسێنێ ڕیشەی بەندی دڵ
باغەوان عەمرت نەمێنێ
بولبول لە باغت دەخوێنێ
بە سۆزەوە دەچریکێنێ
سەری غونچەت هەڵدەستێنێ
ئەی وەی لە گوڵ غونچەی سەرچڵ
دەپسێنێ ڕیشەی بەندی دڵ
لەگەڵ تۆمە غونچەی سێوم
ئەگەر تۆ نەکەی بە خێوم
ئەگەر تۆ نەکەی بە خێوم
دێمە دەرکی قوڕ دەپێوم
ئەی وەی لە گوڵ غونچەی سەرچڵ
دەپسێنێ ڕیشەی بەندی دڵ