دەمەوێ لەگەڵت بدوێم و دڵم نایە
ئەی کۆترە باریکەی سەرشین و باڵ خوێناوی
نازانم بەم نامەیە دەتکولێنمەوە یا دەتلاوێنمەوە
ئەی ژیلەمۆی دامرکاوی شەش سکڵی سوور
ئەی خۆشەویستترین خۆشەویستەکانی کوردستان
ئەی ژنە پێشمەرگە، ئەی پێشمەرگەی ژن
ئەگەر وتیان هەواری کاروانی ئێوە بۆچی دوورە
ئەگەر وتیان دار و بەردی وڵاتەکەی لەمەڕ ئێوە بۆچی سوورە
هەموو هاوار کەین بە جارێ و بڵێین چونکە
لە ئاسمانی مەڵبەندەکەی لەمەڕ ئێمە
بە جێی باران، خوێن ئەبارێ
ئاخ کوردستانەکەم