کە ڕۆییشتی نەمویست لەسەر ڕێگاکەتا ڕابوەستم وەکوو پەیکەر
غروورم ڕێگای پێ نەدام شوێنت کەوم وەکوو سێبەر
هەستم بە دڵی خۆم ئەکرد وەک بەفری بەر خۆرەتاو
هێدی هێدی هێدی هێدی دەبوو بە ئاو
هێدی هێدی هێدی هێدی دەبوو بە ئاو
لەگەڵ هەموو هەنگاوێکتا زیاتر تاریک دائەهاتم
پەشیمان نیم پەشیمان نیم کە بە شوێنتدا نەهاتم
هێدی هێدی هێدی هێدی دەبوو بە ئاو
هێدی هێدی هێدی هێدی دەبوو بە ئاو
من دڵێکم لەلا جوانە کە لە سەد لاوە شکا بێ
نەک ئەوینێ کە پێویستی بە تکا بێ