سەر هەڵێنە با بتبینم عەمرەکەم فاتم
هەر ئەتۆی گیانی شیرینم عەمرەکەم فاتم
یاڕەبی مەرگت نەبینم عەمرەکەم فاتم
تۆی کچێ یاری دڵ غەمگینم دیدەکەم فاتم
عەمرم فاتم چاوم فاتم دیدەکەم فاتم
عەمرم فاتم دیدەم فاتم دیدەکەم فاتم
ڕێم دوورە کچێ عەمر و چاوم بمبەخشە و هاتم
ڕێم دوور و درێژە کچێ گیانە بمبوورە و هاتم
ئەو دڵەی وەک بتپەرستێک ڕوو ئەکاتە چاوەکەت
نوێژ ئەکا بۆ تیشکی چاو و زولفە تێکئاڵاوەکەت
گەرچی ئەیشێلی بە زەبری قۆندەرە و پێڵاوەکەت
قەت بە دڵڕەق باست ناکەم نایزڕێنم ناوەکەت
چونکێ ئەیزانم تەلاری یارە خواپێداوەکەت
مەستی کردووی بۆیە نابینێت لە ئاستم چاوەکەت
سەر هەڵێنە کچێ ئەمجارە عەمرەکەم فاتم
دڵ بۆ باڵات بێقەرارە چاوەکەم فاتم
دەزانم لە گولەی خەسارە عەمرەکەم فاتم
زۆر دەتبینم جاروبارە عەمرەکەم فاتم
عەمرم فاتم دیدەم فاتم چاوی من فاتم
بمبوورە گیانەکەم ئەمجار بۆ لات درەنگ هاتم
بمبوورە کچێ گیان ئەمجار بۆ لات درەنگ هاتم