سوێند بە دیدارت هەتا بمێنم
هەرگیز ناتوانم وازت لێ بێنم
چۆن دڵم ویستی ناوت دەهێنم
هەتا وڵامت لە دەم ئەستێنم
ناز مەکە ناز مەکە
ئەی چاوجوان ناز مەکە
ژیانم پێ خۆشە
تۆ لە منی تاڵ مەکە
پێکی ڕژاوم وا خۆڵ ئەیمژی
وا چاوەڕوانم خۆزگە ئەیکوژی
چۆلەکەی دڵم دا بە دەم باوە
نە پەیامی دا نە خۆی گەڕاوە
ناز مەکە ناز مەکە
ئەی چاوجوان ناز مەکە
ژیانم پێ خۆشە
تۆ لە منی تاڵ مەکە
هەڵیگیرسێنە چرای سووتاوم
با بیهۆنمەوە حەرفی ڕژاوم
بە خەندەی نیگات چاوم بڕێژم
نەمامی هیوات تازە بنێژم
ناز مەکە ناز مەکە
ئەی چاوجوان ناز مەکە
ژیانم پێ خۆشە
تۆ لە منی تاڵ مەکە