وەرە ساقی

وەرە وەرە ساقی وەرە
جامێ شەرابێ بێنە
سەر خۆشم کە لە بادەی ئاڵ
دەفر و کاسەم بۆ بێنە

شەماڵ وەرە تخوا وەرە
بە شێنایی و لەسەر خۆ
مۆژدەی شادی بۆ دڵم بێنە
دایمرکێنە کڵ و کۆڵ
وەرە وەرە ساقی وەرە
جامێ شەرابێ بێنە
سەر خۆشم کە لە بادەی ئاڵ
دەفر و کاسەم بۆ بێنە

لەو دونیایە نەمدی شادی
جارێکی میوانم بێ
ڕەسمی هیوام تەنیا جارێ
تیشکی ڕووناکی بۆ بێ
وەرە وەرە ساقی وەرە
جامێ شەرابێ بێنە
سەر خۆشم کە لە بادەی ئاڵ
دەفر و کاسەم بۆ بێنە

ڕێگەم دوورە ژیان سەختە
دژوارە و پڕ مەینەتە
بێ بەش نێ لەم ژینە تاڵە
ئەوەی پیشەی حەسرەتە
وەرە وەرە ساقی وەرە
جامێ شەرابێ بێنە
سەر خۆشم کە لە بادەی ئاڵ
دەفر و کاسەم بۆ بێنە

زەردە تاوی ئێوارانی
سەر بەفری ئاسۆی بەرزم
وردە وردە دەتوێمەوە
بۆ ناخی ئاسمان دەفڕم
وەرە وەرە ساقی وەرە
جامێ شەرابێ بێنە
سەر خۆشم کە لە بادەی ئاڵ
دەفر و کاسەم بۆ بێنە