ئیمشەو مەینەتان نە دەروون جەمەن
خێڵخانەی کەیفم پڕ جە ماتەمەن
دیارەن دووەی دووری زۆر کەردەن
سوپای خەم و هەم هجووم ئاوەردەن
هووناوی دەروون ڕیشەی گیان کەندەن
سەرمایەی تاقەت نە دەسم سەندەن
مەحاڵەن ئەمشەو گیان وە ڕۆ بەردەن
جارێوتەر تەواف ئاسانەش کەردەن
بەڵ وە ڕۆ بەروون وە هەر حاڵ ئەمشەو
کەروون زیارەت دەرگانەکەی ئەو
سەر بنیەو وە خاک ئاسانەی دڵبەر
بەو ئارەزووی دڵ گیان بەرشۆ وە بەر
هۆنراوە: #مەولەوی