ئەسمەر یارم جوانە

لە پاش مەرگم چ فایدەیە بێیە سەر قەبرم لە بۆ شیوەن
هەتا ماوە نەفەس فەرموو بپرسە چۆنە بیمارم سەد جار بناڵم
لە دەرد و خەمی مێحنەت گەلێ لەم حاڵە بێزارم
سەرم ببڕە گۆشە گۆش لەسەر ئەم ڕێیەم دابنێ
بە خودا و بە پێغەمبەر تۆ گەورەی خۆم غولامم

شەماڵ وەرە یار نووستووە
زولفی پەرێشان کردووە وەی کردووە
بەو چاوانە منی کوشتووە
ئەسمەر یارم جوانە وەک مانگی تابانە
گوڵی ناو باغانە ئەسمەر ئەسمەر

ڕۆژی جومعەی پاش سەڵایە
دوو شت خۆشن لەم دونیایە
ئیمان و چاوی وەفایە
ئەسمەر یارم جوانە کیژی کوردستانە
وەڵڵا خانومانە ئەسمەر ئەسمەر