ئامینێم تاقانەی دایە

ئامینێ تاقانەی دایە
سەد بریا یار لێرە بووایە
ئامینێم تاقانەی دایە

سوێندم خواردووە بە خۆمەوە
بە چل و چوار ماڵەی دەورمەوە
تا ماچ نەکەم ناڕۆمەوە
ئامینێم تاقانەی دایە
ئایشەگوڵە و فاتمە و ڕەعنایە
لە چواران یەک لێرە بایە
ئامینێم تاقانەی دایە

شەرابی دەستی ئەسمەر بێ
ژەهری ئەژدیهای حەوت سەر بێ
دەیخۆمەوە قەست لەسەر بێ
ئامینێم تاقانەی دایە
ئایشەگوڵ و فاتمە و ڕەعنایە
لە سییانان یەک لێرە بایە
ئامینێم تاقانەی دایە