لە کێ بپرسین سۆراخی ڕاستی
دیارە نزیکتر هەر بەرانانە
بەرانان دەخیل دراوسێی دڵسۆز
ئێستا ئەو پەڕت کێی لا میوانە؟
هەواڵی پرسە لە داری کەلی
شێخ لەوێ ماوە و یا لە سەیوانە
ئێستا سێبەری سەر جەستەی کفنی
هەتاوی سوورە یا ئەرخەوانە؟
ئێستا پێخەفی نەرم و نۆڵی شەو
بەردە یا خاکی کانی ئاسکانە؟
بەردەقارەمان لە جێی خۆی ماوە
هەر لە دەربەندە یا لە پیرانە؟
هەواڵی پرسە لە داری گەلی
ئێستە ئاوباریک وەک بوومەلەرزە
ئەرێ هەر هەڵئەلەرزێ یا لە وەستانە؟
کوا شێخ؟ کوا نەوەی ئەحمەدی کاکی
کوا نەبەردەکەی ئەم کوردستانە؟