چەنگیز سیگارچی
ناسکە هەستێک بۆ مامە قالە یان مامە قالەمەڕەی خۆمان گوێ گرە نەی ناڵەناڵی دێ لە دوور تێپەڕیوە ئەو لە مەودای چوار سنوور ئاگری سینەی خەڵاتە و حەو برین کێ دەتوانێ وەک ئەوی هەڵکا لە ژین؟ سۆزی شمشاڵە ئەگەر یاکوو نەیە دڵ پڕی تین و تەوژم و کسپەیە نەی ئەگەر گریا زەمان دێتە گرین بەو زەڵەی عەرش و مەکان دێتە لەرین ئاە و ئاواتی لە دڵدا زۆر هەبوو ئێستە بۆی ماوە هەناسێکی بە فوو دەیهەویست تێر سەیری ئاوی جۆ بکات کوانێ دەیویست شیوەن و ڕۆ ڕۆ بکات؟ دەیهەویست تاپۆی شەوی ڕێبوار بێ بۆ پەنادانی مە بەرپێوار بێ دەیهەویست بۆسەی کوڕی گەل بێ بە گەل سەرچڵووکی ڕابخا بۆ ژوانی مەل کاتێ شنیالۆ بە پەنجەی سروەوە ببنە جۆلانەی مەلووچک پێکەوە کۆکی کەن نۆکی خشەی قامیشەڵان تا نەوای خۆ ئاشکرا کەن بۆ دڵان مەنزەرەی سەوزی سروشت بوو ئەو لەوێ دیمەنی سەوز و بەهاری خۆی دەوێ کەی ڕەوا بوو دابڕێ، تاق بێ لەوان ئەی ستەم زیاتر لە دووری نیشتمان؟ گەرچی دابڕاوە لە هۆزی ئەو نەیە گوێ دەیە ئاواتی و هیواشی هەیە حەز دەکا پەنجەی وەکوو مام قادرێ کون کونی زام و برینێ داگرێ دەمدەمانی بێ لەگەڵیا بێتە ژوان ئاگری سینە لەو لەم بێ فەغان بۆ شەهیدانی وەکوو خۆی بێنەوای تا دەرێژن تەرمی کاکی بێ نەوای فووی مەسیحا بێتە نێو قامیشی دڵ دەیگەشێنێ ڕۆحی مردوو وەک سکڵ ئاگری عەشقە نەوای ناڵە و گرین با بە خولیاش بێ دەمێ سەر هەڵبڕین با بە شاباڵی نەوای قاڵەمەڕە تێپەڕین لەم هەردەوە بۆ ئەو پەڕە با لەسەر ئاسۆی ئاڵەشینیش دەرکەوێ خۆری ئازادی هەمووکەس دەیهەوێ
Naske hestêk bo mame qale yan mame qalemerey xoman Gwê gire ney nalenalî dê le dûr Têperîwe ew le mewday çwar sinûr Agirî sîney xelate û hew birîn Kê detwanê wek ewî helka le jîn? Sozî şimşale eger yakû neye Dil pirî tîn û tewjim û kispeye Ney eger girya zeman dête girîn Bew zeley ’erş û mekan dête lerîn ئاە û awatî le dilda zor hebû Êste boy mawe henasêkî be fû Deyhewîst têr seyrî awî co bikat Kwanê deywîst şîwen û ro ro bikat? Deyhewîst tapoy şewî rêbwar bê Bo penadanî me berpêwar bê Deyhewîst bosey kurî gel bê be gel Serçilûkî rabxa bo jwanî mel Katê şinyalo be pencey sirwewe Bibne colaney melûçk pêkewe Kokî ken nokî xişey qamîşelan Ta neway xo aşkira ken bo dilan Menzerey sewzî siruşt bû ew lewê Dîmenî sewz û beharî xoy dewê Key rewa bû dabrê, taq bê lewan Ey sitem zyatir le dûrî nîştiman? Gerçî dabrawe le hozî ew neye Gwê deye awatî û hîwaşî heye Hez deka pencey wekû mam qadrê Kun kunî zam û birînê dagrê Demdemanî bê legelya bête jwan Agirî sîne lew lem bê fexan Bo şehîdanî wekû xoy bêneway Ta derêjin termî kakî bê neway Fûy mesîha bête nêw qamîşî dil Deygeşênê rohî mirdû wek sikil Agirî ’eşqe neway nale û girîn Ba be xulyaş bê demê ser helbirîn Ba be şabalî neway qalemere Têperîn lem herdewe bo ew pere Ba leser asoy aleşînîş derkewê Xorî azadî hemûkes deyhewê