دایە گیان دایەی شیرینم
ئەی دایەی عشق و ئەوینم
دوور لە تۆ من چیم ئەی دایە
چۆن بژیم بێ تۆ لایلایە
کوا لایلایە و دەنگی نەرمت
کوانێ خۆشی کۆشی گەرمت
تاکوو ماوم لەم دونیایە
بۆ تۆ دەژیم تەنها دایە
ئەگەر دوورم لە تۆ دایە
ژیانی من لە مەرگایە
بەڵام گیانم وەک پەپوولە
هەمیشە لەسەر سەرتایە
ڕۆحم کڵۆڵ و برینە
جەستەم ئاوارەی زەمینە
تەنیا دەنگێ توخوا دایە
ڕزگارم کە لەم هەودایە
لە باوەشی گەرمی تۆدا
فێری عیشقی نیشتیمان بووم
ئەو ڕۆژانەی لە تۆ دوور بووم
لە ژیانم پەشیمان بووم
هەر وەک چرۆی لێوی بەهار
ئاوارە بووم بە دەس رۆژگار
دەبێ ڕۆژێک بتبینمەوە
ئەی دایە گیان دایەی ئازار
ئەگەر دوورم لە تۆ دایە
ژیانی من لە مەرگایە
بەڵام گیانم وەک پەپوولە
هەمیشە لەسەر سەرتایە
ڕۆحم کڵۆڵ و برینە
جەستەم ئاوارەی زەمینە
تەنیا دەنگێ توخوا دایە
ڕزگارم کە لەم هەودایە
دایە گیان دایەی شیرینم
ئەی دایەی عشق و ئەوینم
دوور لە تۆ من چیم ئەی دایە
چۆن بژیم بێ تۆ لایلایە
کوا لایلایە و دەنگی نەرمت
کوانێ خۆشی کۆشی گەرمت
تاکوو ماوم لەم دونیایە
بۆ تۆ دەژیم تەنها دایە
ئەلبومی دایە ساڵی ٢٠٠١
ئاواز: زەکەریا
هۆنراوە: شاڵاو
دابەشکردن: شاپۆور