ئەگەرچی لە تۆ دوورم
نامۆی پشت حەوت سنوورم
لەگەڵتام وەک سێبەرت
ڕێبوارم ڕادەبوورم
شەوانە خەونی من تۆی
لەگەڵتام کە خەم ئەخۆی
بە نیگات ئاشنام من
کە بەسەر ڕۆحما ئەڕۆی
نازە نازە مەیکە لەسەر دڵم ئەی یارم
نازە نازە مەیخەرە سەر باری ئازار
تۆ بڕوانە منی دێوانە بۆچی بۆت دەسووتێم
وێڵم بە دوای ناوێ وڵاتێ گۆرانی بۆ بڵێم
نازی تۆ دەمژییێنێ دووری تۆ دەمگریێنێ
نازەنین چاوەکانت بە ماچێ دەمدوێنێ
بێدەنگم لێرە بێ ئاواز
بێ سۆزم لێرە بێ ناز
مەگەر تۆ ئاواتم بی
بمدەیەوە دەستی ڕاست
نازە نازە مەیکە لەسەر دڵم ئەی یارم
نازە نازە مەیخەرە سەر باری ئازار
تۆ بڕوانە منی دێوانە بۆچی بۆت دەسووتێم
وێڵم بە دوای ناوێ وڵاتێ گۆرانی بۆ بڵێم
ئەلبومی دایە ساڵی ٢٠٠١
ئاواز و دابەشکردن: زەکەریا
هۆنراوە: سەرکەوت ڕەسول