چەوەگەم سەڵتەنە

ئای، ئەرێ خوەد وتد وەهار، ئەرێ خوەد وتد وەهار ئازیزم تیەیدە سەردانم، گیانەگەم تیەیدە سەردانم
ئەرێ تا کەی چەوەڕی، ئەرێ تا کەی چەوەڕی گیانەگەم بوودە دەرمانم، ئەی هاوار بوودە دەرمانم
عەمرەگەم، چەوەگەم، ئەزیزەگەم سەڵتەنە، ئاخ چەوەگەم سەڵتەنە

ئەرێ شەو هاتەو لە نوو، ئازیزم، دڵ کەیدن زاری
ئەرێ شەو هاتەو لە نوو، دیدەگەم، دڵ کەیدن زاری
ئەرێ وارانێ خەمەیل ئەی هاوار، لە چاوم واری
ئەرێ وارانێ خەمەیل دیدەگەم، لە چاوم واری
ئەرێ چەنی بەدبەختی، گیانەگەم، چەن بی قەراری
ئەرێ چەنی ها پاییز، ئەی هاوار چەن بی وەهاری، گیانەگەم چەن بی وەهاری
عەمرەگەم،چەوەگەم، ئەزیزەگەم سەڵتەنە، ئاخ ماڵەگەم سەڵتەنە
ئەرێ وە موارەگد بێ، ئەی ئەزیز ئەو گەڵووبەنە، گیانەگەم ئەو گەردنبەنە

ئای، ئەرێ خوەد وتد وەهار، ئەرێ خوەد وتد وەهار ئازیزم تیەیدە سەردانم، گیانەگەم تیەیدە سەردانم
ئەرێ تا کەی چەوەڕی، ئەرێ تا کەی چەوەڕی گیانەگەم بوودە دەرمانم، ئەی هاوار بوودە دەرمانم
عەمرەگەم، چەوەگەم، ئەزیزەگەم سەڵتەنە، ئاخ چەوەگەم سەڵتەنە

ئەری یە خوو وەهار هات ، ئازیزم گوڵ وە دارەوە
ئەرێ خەوەرێگ نەهاد، گیانەگەم وە لای یارەوە
ئەرێ خەوەرێگ نەهاد، دیدەگەم وە لای یارەوە
ئەری کەفتیمە ناو جی، ئازیزم چوو مارانگەستە
ئەری دوێتە ڕەحمد بوود، ئەی هاوار دی دووری بەسە،
گیانەگەم دی دووری بەسە

عەمرەگەم، وەی چەوەگەم، ئای ئەزیزەگەم سەڵتەنە، وەی ماڵەگەم سەڵتەنە
ئەرێ وە موارەگد بوود ئازیزم ئەو گەردنبەنە، نازەنین ئەو گەڵووبەنە

ئای ئای ئای، من وە کی بویشم باوانم دەرد دڵەگەم
من وە کی بویشم باوانم دەرد دڵەگەم
خەوەر لید نەیرم ئەی هاوار، تاقە گوڵەگەم
تو سەروین سیەگەی شووڕەژن، شان مەیە وە شانم
بەو تەدەرەگ بگرین باوانم، هەر ئیمشەو میوانم

بەو تا هەست بکەم باوانم گەرمی نەفەسد
گیانم وە فدای ئازیزم چەوەیلێ مەسد
تو سەروین سیەگەی شوڕەژن، شان مەیە لە شانم
بەو تەدەرەگ بگرین باوانم، هەر ئیمشەو میوانم

بەو سەرم هەڵگر باوانم، باڵ کە سەرینم
شایەد بزانی ئەی هاوار وە بی تو چوینم

توی سەروین سیەگەی شووڕەژن، شان مەیە لە شانم
بەو تەدەرەگ بگرین باوانم، هەر ئیمشەو میوانم
هەر ئیمشەو میوانم، هەر ئیمشەو میوانم